November 16, 2026
Amdavad Live
ગુજરાતધાર્મિકરાષ્ટ્રીયહેડલાઇન

હનુમાનજી સ્વયં એક વૈશ્વિક સ્વસ્તિક છે : મોરારી બાપુ

મોરારી બાપુ દ્વારા ‘ભારત સ્વસ્તિક યાત્રા’સોપાન 2 મંગલ શુભારંભ

તા 14/11/26 થી તા 22/11/26 દરમિયાન 9 સ્થાનો પર એક એક દિવસ રામકથાનું પ્રેમમય ગાન થશે.

દરેક લાભ શુભ નથી હોતો, પણ એક નાનકડો શુભ અનંત લાભકારી હોય છે

કાંડ રચે એના કાંડા સાથિયો ન રચી શકે

અમદાવાદ : ભારતીય નવલ વર્ષ વિક્રમ સંવત બે હજાર ત્યાસીનો શુભ – મંગલ – સ્નેહમય પ્રારંભ થયો છે. ગત શનિવારે- લાભપંચમીના શુભ દિવસે પરમ સાધુ મોરારી બાપુ દ્વારા દ્વારિકા ધામની પરમ મંગલમય ભૂમિ પરથી ‘ભારત સ્વસ્તિક યાત્રા’સોપાન 2 (દ્વારિકા થી જગન્નાથ પુરીનો) મંગલમય શુભારંભ થયો છે. પ્રથમ દિવસની રામકથાના સ્નેહલ સંવાદમાં પરમ પ્રિય પરમ સાધુ મોરારી બાપુ એ કહ્યું હતું કે, દ્વારિકાધીશ ચતુર્ભુજ છે. શંખ, ચક્ર, ગદા, અને પદ્મ (કમળ) એ વૈશ્વિક સ્વસ્તિક છે. શંખ એ નાદનું પ્રતીક છે આધ્યાત્મિક દ્રષ્ટિએ એ કલ્યાણકારી નાદ છે. સ્વસ્તિક એટલે શુભ, મંગલ, કલ્યાણકારી. ભીષ્મ અને અર્જુને શંખ ફૂંક્યો પણ શ્રી કૃષ્ણ એ પંચજન્ય શંખ ફૂંક્યો એ યુદ્ધ માટે નહીં પણ બુધ-શુભ- કલ્યાણ માટે. ગીતામાં કહ્યું કે, ‘યુદ્ધાય કૃતનિશ્ચયયી’ પણ કૃષ્ણનો હેતુ ‘બુદ્ધાય કૃતનિશ્ચયયી’એ હતો. ચક્ર ગતિનું પ્રતીક છે. માણસે સતત ગતિ કરવી જોઈએ. કૃષ્ણનું સુદર્શન ચક્ર એ અર્થમાં ગતિ તરફનું સૂચક છે. કલ્યાણકારી ગતિનું નામ જ સુદર્શન એટલે કે  સુ- દર્શન ગદા એ બળનું પ્રતીક છે. ભજન બળ, આત્મબળ, ધર્મબળ વગેરે. પદ્મ – કમળ એ અંસગતાનું પ્રતિક છે. આપણે પણ અહંકાર મુક્ત રહી કમળની જેમ અસંગ બનીએ. તો આ ચતુર્ભુજ એ વૈશ્વિક શુભ- મંગલ સ્વસ્તિક છે. સાધુ પણ સ્વસ્તિક છે. સાધુના આ ચાર કોણ પણ સ્વસ્તિક રચે છે. (1) વેણ (2) નેણ (3) લેણ અને (4) દેણ.  સાધુના વેણ એટલે વચન- વાણી, નેણ એટલે નયન દ્રષ્ટિ, લેણ એટલે સાધુ આપણા દુઃખ લઈ લે છે અને દેણ એટલે નિરંતર કૃપા વરસાવતો રહે – આ અર્થમાં સાધુ વૈશ્વિક સ્વસ્તિક છે.

ગઈકાલે – રવિવારે સ્વસ્તિક યાત્રા સોમનાથ મહાદેવના ચરણોમાં પહોંચી હતી. રામકથાનો પ્રેમમય સંવાદ આગળ વધારતા પરમ પ્રિય સાધુ બાપુએ કહ્યું હતું કે, મૂળ આધ્યાત્મિક સ્થાન અને ઐતિહાસિક ભૂમિ સોમનાથ મહાદેવના સાનિધ્યે આ રામકથા પહોંચી છે ત્યારે કેટકેટલા સ્મરણો યાદ આવે છે. આ ભૂમિ પર મેં ખૂબ કથાગાન કર્યું છે. વર્ષોપૂર્વે વેરાવળ ખાતે લોહાણા વાડીમાં શ્રાવણમાસમાં એક મહિનો કથાગાન કર્યું થતું.

શિવજી પાસે જે ચાર વસ્તુ છે એ સ્વસ્તિક છે (1) શિવજી પાસે ત્રિનંગ છે – એ કલ્યાણકારી નેત્ર છે.  (2) ત્રિશૂલ – મહાદેવનું ત્રિશૂલ એ આપણા ત્રણ પ્રકારના શૂળનો નાશ કરે છે. (3) ત્રિપુંડ- એટલે તિલક – તિલક એટલે આજની મોર્ડન ભાષામાં કહું તો તિલક એટલે ‘ થ્રી લક ‘ ત્રણ પ્રકારના લક. માણસના કપાળમાં અને પેટ પર ત્રણ રેખાઓ હોય એ શુભની નિશાની છે. સુકનવંત છે. ત્રિપુંડ એ અર્થમાં કે ભગવાન શિવજી આપણને ત્રણ પ્રકારના નસીબથી સભર કરે છે. (4) ત્રિભુવન- ત્રિલોક ભગવાન મહાદેવ, ત્રિભુવન ત્રણેય લોકમાં નિવાસ કરે છે એટલે શિવજીની આ ચાર વસ્તુઓએ પણ વૈશ્વિક સ્વસ્તિક છે.

પૂજ્ય મોરારી બાપુએ કથા રત્નો રજૂ કરતા કહ્યું કે, તમે મારો ‘સાથિયો’છો એટલે તમારા દિલમાં ‘સાથિયો’ કરું છું. જય – સિયા-રામ એટલે સત્ય પ્રેમ કરુણા…. ‘ જય ‘ એટલે સત્ય મેવ જયતે,  ‘સિયા’એટલે ભક્તિ પ્રેમ અને ‘રામ’ એટલે કરુણા.  આમ જય સિયારામ એટલે સત્ય પ્રેમ કરુણા – રૂપેશ વ્યાસ ( ઇન્દોર – બાપુના પરમ સેવક).  પૂજ્ય બાપુ એ યોગેશ ચોલેરાની કાવ્ય રચના રજૂ કરતા કહ્યું કે, “સદીઓ સે અપને – અપને તટ પર ચારો દિશાઓ ઠહરી થી સાગર ઔર પર્વત કે બીચ યે દુરિયા કિતની ગહરી થી ! પર યે કૈસી દો રેખાએ ભારત કે સીને પર છાઈ ? જો બાંટને નહીં જમાને કો, આપસ મેં મિલને કો હૈ આઈ !

જો ૐકાર હવામે ગુંજા થા, વો આજ જમીન પર આકાર હુઆ, નિરાકાર થા જો વેદોમેં, વો ‘ સ્વસ્તિક બનકર સાકાર હુઆ ! બાપુએ કહ્યું કે, દ્વારકાધીશ મંદિરને ‘જગતમંદિર’કહેવાય છે. દુનિયામાં ક્યાંય જગત મંદિર નથી. તેમણે ઉમેર્યું કે, જીવનમાં આવતી વિષમ પરિસ્થિતિ એ જ વિષ (ઝેર) છે.

== સમાપ્ત ==

Related posts

આંતરરાષ્ટ્રીય યોગ દિવસ નિમિત્તે રેસ્ટોકની હોસ્પિટલ દ્વારા યુનિક કાર્યક્રમનું આયોજન કર્યું

amdavadlive_editor

આ ઉનાળામાં પૌષ્ટિક નાસ્તો ખાઓ અને તમારી ત્વચાને સ્વસ્થ બનાવો

amdavadlive_editor

હોંડા મોટરસાઈકલ એન્ડ સ્કૂટર ઈન્ડિયા દ્વારા ગુજરાતના રાજકોટમાં માર્ગ સુરક્ષા જાગૃતિ ઝુંબેશને પ્રમોટ કરવામાં આવે છે

amdavadlive_editor

Leave a Comment