વડોદરા, ગુજરાત | ૦૧ ઓગસ્ટ ૨૦૨૬ | મરેંગો એશિયા હોસ્પિટલ્સ, વડોદરાએ લીવર ક્લિનિક અને ઇન્ટરવેન્શનલ રેડિયોલોજી ક્લિનિકની શરૂઆત કરીને અદ્યતન વિશેષ આરોગ્ય સેવાઓમાં વધારો કર્યો છે. આ પહેલથી મધ્ય અને દક્ષિણ ગુજરાતના દર્દીઓને વિશેષ આરોગ્ય સેવાઓ વધુ સરળતાથી ઉપલબ્ધ બનશે.
લીવર ક્લિનિકની શરૂઆત અમદાવાદ સ્થિત મરેંગો CIMS હોસ્પિટલના ડૉ. ગૌરવ પટેલ અને તેમની ટીમના સહયોગથી કરવામાં આવી છે, જ્યારે ઇન્ટરવેન્શનલ રેડિયોલોજી ક્લિનિકનું સંચાલન સુરત સ્થિત મરેંગો એશિયા હોસ્પિટલ્સના ડૉ. જેની ગાંધી કરશે.
આ પહેલ મરેંગોની સમગ્ર હોસ્પિટલ નેટવર્કમાં જટિલ અને સુપર-સ્પેશિયાલિટી સારવાર માટે એકીકૃત ક્લિનિકલ કોરિડોર વિકસાવવાના વિઝનનો ભાગ છે. આ મોડેલ હેઠળ દર્દીઓને લીવર ટ્રાન્સપ્લાન્ટ, હાર્ટ ટ્રાન્સપ્લાન્ટ, બોન મેરો ટ્રાન્સપ્લાન્ટ તેમજ ઇન્ટરવેન્શનલ રેડિયોલોજી જેવી અદ્યતન સેવાઓ ઉપલબ્ધ થશે. સાથે જ મરેંગો નેટવર્કના વિશેષજ્ઞોની કુશળતા અને અનુભવના આધારે દર્દીઓને પોતાના શહેરની નજીક સુવ્યવસ્થિત અને સંકલિત સારવાર મળી શકશે.
આ મોડેલ હેઠળ દર્દીઓ તેમના નજીકના મરેંગો હોસ્પિટલમાં વિશેષજ્ઞ પરામર્શ, નિદાન, સર્જરી પૂર્વેની તપાસ, સર્જરી બાદની સારવાર અને લાંબા ગાળાના ફોલો-અપની સુવિધા મેળવી શકશે. જ્યારે જટિલ સારવાર અને ટ્રાન્સપ્લાન્ટ સંબંધિત પ્રક્રિયાઓનું સંકલન અમદાવાદ સ્થિત મરેંગો CIMS હોસ્પિટલ દ્વારા કરવામાં આવશે, જે મરેંગો નેટવર્કનું મુખ્ય સેન્ટર ઓફ એક્સલન્સ છે. આ વ્યવસ્થાથી દર્દીઓની સુવિધામાં વધારો થશે, સારવારમાં થતો વિલંબ ઘટશે અને સતત સારવાર સુનિશ્ચિત થશે.
લીવર ક્લિનિક દર મહિનાના બીજા મંગળવારે આઉટપેશન્ટ (OPD) સેવા આપશે, જ્યારે ઇન્ટરવેન્શનલ રેડિયોલોજી ક્લિનિક દર શનિવારે ઉપલબ્ધ રહેશે.
ઇન્ટરવેન્શનલ રેડિયોલોજી ક્લિનિકમાં વેરિકોઝ વેઇન્સ, ડાયાબિટિક ફૂટની જટિલતાઓ, સ્ટ્રોક, બ્રેઇન એન્યુરિઝમ, સ્તનમાં ગાંઠ, ગર્ભાશયની ફાઇબ્રોઇડ્સ, થાયરોઇડ નોડ્યુલ્સ સહિત વિવિધ રોગોની મિનિમલી ઇન્વેસિવ સારવાર ઉપલબ્ધ કરાવવામાં આવશે.
== સમાપ્ત ==
