November 17, 2026
Amdavad Live
CSR પ્રવૃત્તિઓગુજરાતરાષ્ટ્રીયસામાજિક પ્રવૃત્તિહેડલાઇન

સિદ્ધાર્થ ફાઉન્ડેશન, અમદાવાદ દ્વારા અમદાવાદ જિલ્લાના બદરખા ગામમાં જરૂરિયાતમંદ પરિવારો માટે ભોજન વિતરણ કાર્યક્રમ યોજાયો

અમદાવાદ, ગુજરાત | ૦૮ ઓગસ્ટ ૨૦૨૬ | સમાજસેવા અને માનવતાના મૂલ્યોને સમર્પિત સિદ્ધાર્થ ફાઉન્ડેશન, અમદાવાદ દ્વારા અમદાવાદ જિલ્લાના બદરખા ગામ ખાતે પૂરગ્રસ્ત તેમજ જરૂરિયાતમંદ પરિવારો માટે ભોજન વિતરણ કાર્યક્રમનું તા. ૦૮ ઓગસ્ટ, ૨૦૨૬ ના રોજ સફળ આયોજન કરવામાં આવ્યું હતું.

તાજેતરમાં ભારે વરસાદ અને પૂર જેવી પરિસ્થિતિના કારણે અસરગ્રસ્ત બનેલા પરિવારોને રાહતરૂપે પૌષ્ટિક ભોજન ઉપલબ્ધ કરાવવાના હેતુથી ફાઉન્ડેશન દ્વારા સ્થળ પર જઈને ભોજનનું વિતરણ કરવામાં આવ્યું હતું. આ સેવાકીય કાર્યક્રમ દરમિયાન અનેક જરૂરિયાતમંદ પરિવારોને સન્માનપૂર્વક ભોજન પહોંચાડવામાં આવ્યું તેમજ તેમના પ્રત્યે સહાનુભૂતિ અને માનવતાની ભાવના વ્યક્ત કરવામાં આવી.

આ પ્રસંગે સિદ્ધાર્થ ફાઉન્ડેશનના પ્રમુખ શ્રીમતી જયાબેન વાઘેલાએ જણાવ્યું હતું કે, “મુશ્કેલીના સમયમાં જરૂરિયાતમંદ લોકો સુધી સમયસર મદદ પહોંચાડવી એ આપણી સામાજિક અને માનવીય જવાબદારી છે. સિદ્ધાર્થ ફાઉન્ડેશન હંમેશા સમાજના નબળા, વંચિત અને જરૂરિયાતમંદ વર્ગોની સાથે ઉભું રહ્યું છે અને ભવિષ્યમાં પણ આપત્તિ રાહત, શિક્ષણ, આરોગ્ય, મહિલા સશક્તિકરણ, ગ્રામ વિકાસ, પર્યાવરણ સંરક્ષણ, કૌશલ્ય વિકાસ તથા સામાજિક કલ્યાણના ક્ષેત્રોમાં નિષ્ઠાપૂર્વક સેવા કાર્ય ચાલુ રાખશે. સમાજના દરેક નાગરિક, દાતાશ્રીઓ, સ્વયંસેવકો, ઉદ્યોગગૃહો તથા સંસ્થાઓને માનવ સેવાના આ અભિયાનમાં સહભાગી બની સમાજ માટે સકારાત્મક પરિવર્તન લાવવા માટે અમે હાર્દિક અપીલ કરીએ છીએ.”

આ સમગ્ર કાર્યક્રમમાં ફાઉન્ડેશનના સ્વયંસેવકોએ ઉત્સાહપૂર્વક ભાગ લીધો અને માનવ સેવાના આ કાર્યને સફળ બનાવવામાં મહત્વપૂર્ણ યોગદાન આપ્યું.

અંતમાં, સિદ્ધાર્થ ફાઉન્ડેશન દ્વારા સમાજના તમામ દાતાશ્રીઓ, સામાજિક સંસ્થાઓ, કોર્પોરેટ સંસ્થાઓ (CSR), યુવાનો અને સ્વયંસેવકોને આવા માનવતાવાદી કાર્યોમાં જોડાઈને સમાજના નબળા વર્ગોના જીવનમાં આશા, સહારો અને સકારાત્મક પરિવર્તન લાવવા માટે આગળ આવવાની અપીલ કરવામાં આવી.

== સમાપ્ત ==

Related posts

રોટરીપ્રીમિયર લીગ (RPL) 1.0 નું ઉત્કૃષ્ટ ભાગીદારી અને ફેલોશિપ સાથે સફળતાપૂર્વક સમાપન

amdavadlive_editor

મીશો 2024 માં 35 ટકા વાર્ષિક વૃદ્ધિ જુએ છે; નાના શહેરોમાં વપરાશમાં વધારો, જેન ઝેડ અને જનરલ એઆઈમાં નવીનતાઓ દ્વારા મદદ મળી

amdavadlive_editor

કોટકે હિંમત અને પ્રતીતિની માગણી કરતાં સપનાઓને સાકાર કરવા માટે હૌસલા 2.0 રજૂ કર્યું

amdavadlive_editor

Leave a Comment