INA સોલર અને S.C. એક્ઝેક્ટ ઇક્વિપમેન્ટ કું. લિમિટેડ વચ્ચે 3 ગીગાવોટ ટર્નકી સોલર સેલ મેન્યુફેક્ચરિંગ લાઇન માટે કરાર
ગુજરાત, અમદાવાદ ૧૭ જૂન ૨૦૨૫: INA સોલર એ S.C. એક્ઝેક્ટ ઇક્વિપમેન્ટ કું. લિમિટેડ સાથે 3 ગીગાવોટની ટર્નકી સોલર સેલ મેન્યુફેક્ચરિંગ લાઇન માટે LOI (લેટર ઓફ ઇન્ટેન્ટ) પર હસ્તાક્ષર કરીને એક મહત્વપૂર્ણ સીમાચિહ્ન હાંસલ કર્યું છે, જે દેશમાં સોલર સેલ ઉત્પાદનને નવી દિશા આપશે.
INA સોલર ના ચેરમેન શ્રી મનીષ ગુપ્તા અને મેનેજિંગ ડિરેક્ટર શ્રી વિકાસ જૈને જણાવ્યું કે કંપનીની સ્થાપના વર્ષ 2017માં ફક્ત 80 મેગાવોટ પીવી મોડ્યુલ ઉત્પાદન ક્ષમતા સાથે થઈ હતી. જુલાઈ 2025 સુધીમાં, કંપની 4 ગીગાવોટ મોડ્યુલ મેન્યુફેક્ચરિંગની પ્રભાવશાળી સિદ્ધિ હાંસલ કરી લેશે.
આ ઉપરાંત, કંપનીએ 2027 સુધીમાં 8 ગીગાવોટ પીવી મોડ્યુલ, 3 ગીગાવોટ સોલર સેલ, અને 54,000 MTA એલ્યુમિનિયમ ફ્રેમ ઉત્પાદન ક્ષમતાનું લક્ષ્ય પણ નિર્ધારિત કર્યું છે. સતત પ્રગતિ અને ગુણવત્તા પ્રત્યેની તેમની પ્રતિબદ્ધતાને કારણે, INA સોલર આજે ભારતના ટોચના 10 સોલર પેનલ ઉત્પાદકોમાં પોતાની મજબૂત ઓળખ બનાવી ચૂકી છે.
INA સોલર TOPCon, મોનોફેશિયલ અને બાઈફેશિયલ જેવા અત્યાધુનિક સોલર પેનલ્સનું ઉત્પાદન કરે છે, જે તેમની નવીનતા અને શ્રેષ્ઠ ગુણવત્તા માટે જાણીતા છે. અમારી અત્યાધુનિક ઉત્પાદન એકમો એઆઈ અને રોબોટિક્સ જેવી નવીનતમ તકનીકોથી સજ્જ છે, જે દરેક પેનલમાં ઉચ્ચતમ સ્તરની ચોકસાઈ, ઉત્પાદકતા અને વિશ્વસનીયતા સુનિશ્ચિત કરે છે.
INA સોલર નો ઉદ્દેશ્ય ભારતને સૌર ઉર્જાના ક્ષેત્રમાં આત્મનિર્ભર બનાવવાનો છે. કંપનીએ સ્પષ્ટ કર્યું કે, “અમે ‘મેક-ઇન-ઇન્ડિયા’ના વિઝનને એક નવા સ્તર સુધી લઈ જવા માટે સંપૂર્ણપણે પ્રતિબદ્ધ છીએ. માનનીય પ્રધાનમંત્રી શ્રી નરેન્દ્ર મોદીજી દ્વારા 2030 સુધીમાં નિર્ધારિત 500 ગીગાવોટ ગ્રીન એનર્જીના લક્ષ્યમાં INA સોલર એક મહત્વપૂર્ણ ભૂમિકા ભજવી રહી છે.”
