નવી દિલ્હી 18 સપ્ટેમ્બર 2024: (ભાષા) સરકારે સહારા ગ્રૂપ કો-ઓપરેટિવ સોસાયટીઝના નાના થાપણદારોને પરત કરવાની રકમની મર્યાદા 10,000 રૂપિયાથી વધારીને 50,000 રૂપિયા કરી છે. સહકારી મંત્રાલયના એક વરિષ્ઠ અધિકારીએ બુધવારે આ માહિતી આપી હતી. સરકારે અત્યાર સુધીમાં CRCS (સેન્ટ્રલ રજિસ્ટ્રાર ઑફ કોઓપરેટિવ સોસાયટીઝ)-સહારા રિફંડ પોર્ટલ દ્વારા સહારા જૂથના સહકારી મંડળીના 4.29 લાખથી વધુ થાપણદારોને રૂ. 370 કરોડ જારી કર્યા છે.
“રિફંડની રકમની મર્યાદા વધારીને રૂ. 50,000 કરવા સાથે, આગામી 10 દિવસમાં લગભગ રૂ. 1,000 કરોડ ચૂકવવામાં આવશે,” તેમણે જણાવ્યું હતું કે, ગયા સપ્તાહે નાના થાપણદારો માટે ‘રિફંડ’ રકમની મર્યાદામાં વધારો કરવામાં આવ્યો હતો 10,000 થી 50,000 સુધી કરવામાં આવી હતી.
સરકાર ‘રિફંડ’ જારી કરતા પહેલા થાપણદારોના દાવાઓની કાળજીપૂર્વક તપાસ કરી રહી છે. CRCS-સહારા રિફંડ પોર્ટલ 18 જુલાઈ, 2023 ના રોજ સર્વોચ્ચ અદાલતના આદેશને અનુસરીને સહારા જૂથની ચાર બહુ-રાજ્ય સહકારી મંડળીઓના વાસ્તવિક થાપણદારોના માન્ય થાપણોના રિફંડ માટેના દાવા સબમિટ કરવા માટે શરૂ કરવામાં આવ્યું હતું.
આ સહમરી સોસાયટીઓ છે.. સહારા ક્રેડિટ કોઓપરેટિવ સોસાયટી લિ., લખનૌ, સહારા યુનિવર્સલ મલ્ટીપર્પઝ સોસાયટી લિ., ભોપાલ, હમારા ઈન્ડિયા ક્રેડિટ કોઓપરેટિવ સોસાયટી લિ., કોલકાતા અને સ્ટાર્સ મલ્ટીપર્પઝ કોઓપરેટિવ સોસાયટી લિ., હૈદરાબાદનો સામાવેશ થાય છે.
29 માર્ચ, 2023 ના રોજ કોર્ટના આદેશ અનુસાર, સેબી-સહારા રિફંડ ખાતામાંથી 19 મે, 2023 ના રોજ સેન્ટ્રલ રજિસ્ટ્રાર ઑફ કોઓપરેટિવ સોસાયટીઝ (CRCS)ને રૂ. 5,000 કરોડની રકમ ટ્રાન્સફર કરવામાં આવી હતી.
સર્વોચ્ચ અદાલતના ન્યાયાધીશ જસ્ટિસ આર સુભાષ રેડ્ડી ડિજિટલ માધ્યમથી નાણાંની વહેંચણીનો મામલો સંભાળી રહ્યા છે.
