ગુજરાત, અમદાવાદ | ૨૩ ડિસેમ્બર ૨૦૨૫ — બીએનઆઈ અમદાવાદ દ્વારા તાજેતરમાં ‘બોસ વુમન’ ની ઉજવણી કરવામાં આવી હતી. આ સાંજ એવી મહિલાઓ માટે સમર્પિત હતી જેઓ પોતાની મહત્વકાંક્ષા અને કાર્ય, સપના અને શિસ્ત, તેમજ આત્મવિશ્વાસ અને સાતત્ય વચ્ચે સુંદર સંતુલન જાળવે છે. આ કાર્યક્રમમાં ૨૫૦થી વધુ મહિલાઓએ ભાગ લીધો હતો અને બીએનઆઈ ના વિવિધ ચેપ્ટર્સના સભ્યો એક યાદગાર અનુભવ માટે એકસાથે આવ્યા હતા.
‘બોસ વુમન’ એ બીએનઆઈ અમદાવાદની ‘સિસિલિયન ગેમ્સ’ પહેલનો એક ભાગ છે. આ કાર્યક્રમનું નેતૃત્વ હિમાની કાંકરિયા (ચેર), રેના પરીખ અને અર્ચના મોહંતી (લીડ્સ) તેમજ ટીમના સભ્યો વર્નિકા અગ્રવાલ, મિલી રાઠોડ અને ધ્રુતિ પંચાલ દ્વારા કરવામાં આવ્યું છે. આ પહેલનો મુખ્ય ઉદ્દેશ્ય મહિલાઓ માટે એક સર્વસમાવેશક પ્લેટફોર્મ પૂરું પાડવાનો છે, ખાસ કરીને એવી મહિલાઓ માટે જેઓ સામાન્ય રીતે ક્રિકેટ કે બેડમિન્ટન જેવી પરંપરાગત રમતોમાં ભાગ લેતી નથી.
આ એડિશનમાં “બેક ટુ સ્કૂલ” ની એક મનોરંજક થીમ રાખવામાં આવી હતી, જેમાં હળવી રમતોની સાથે સંગીત અને સાંસ્કૃતિક પ્રસ્તુતિઓનું સુંદર મિશ્રણ જોવા મળ્યું હતું. આ ફોર્મેટમાં પરસ્પર સંવાદને પ્રોત્સાહન આપ્યું, સહભાગીઓને તણાવમુક્ત થવામાં મદદ કરી અને વિવિધ ક્ષેત્રોની મહિલા ઉદ્યોગસાહસિકો તથા વ્યાવસાયિકોને એક અનૌપચારિક માહોલમાં એકબીજા સાથે જોડાવાની ઉત્તમ તક પૂરી પાડી હતી.
સાંજની શરૂઆત આઈસ-બ્રેકિંગ સત્ર સાથે થઈ, ત્યારબાદ યશવી શાહ દ્વારા સંચાલિત હાઇ-એનર્જી ‘ટેકનો ઝુમ્બા’ સત્ર યોજાયું હતું. સ્ટેન્ડ-અપ કોમેડિયન રણમલ જૈને કાર્યક્રમમાં હાસ્ય લાવ્યું, જ્યારે રેપર અમિતોજ ભાટિયાએ ઉત્સાહપૂર્ણ સંગીત દ્વારા ઉજવણીમાં રંગ ઉમેર્યો હતો. વિવિધ પ્રવૃત્તિઓ વચ્ચે, વિભૂતિ યાદવ દ્વારા ‘મોલ્ડ વિથ માઈન્ડ’ સત્ર યોજાયું હતું, જેમાં સહભાગીઓને આત્મચિંતન કરવાની તક મળી હતી. ત્યારબાદ સૌએ વોલીબોલની રમતનો આનંદ માણ્યો હતો. કાર્યક્રમનું સમાપન રાત્રિભોજન સાથે થયું હતું.
‘બોસ વિમેન’ ના આ સેલિબ્રેશનમાં સભ્યોને તેમના રોજિંદા કામકાજમાંથી એક આવકારદાયક વિરામ આપ્યો હતો. આ કાર્યક્રમે બિઝનેસ મીટિંગ્સથી આગળ વધીને સભ્યો વચ્ચેના પરસ્પર સંબંધોને મજબૂત બનાવવા માટેની બીએનઆઈ અમદાવાદની પહેલ અને પ્રયાસોને ઉજાગર કર્યા હતા.
◊◊◊◊◊◊◊◊◊◊◊◊◊◊◊◊
