વડોદરા, ગુજરાત | ૧૫મી મે ૨૦૨૬ | ઉપચાર અને સેવા ક્ષેત્રે 10 વર્ષ પૂર્ણ થવાની ઐતિહાસિક ઉજવણી નિમિત્તે HCG Cancer Centre Vadodara દ્વારા “ઉપચારનો એક દાયકોઃ અને દાનનો એક દિવસ” શીર્ષક હેઠળ રક્તદાન કેમ્પનું આયોજન કરવામાં આવ્યું હતું.
આ કેમ્પમાં ડોક્ટરો, નર્સો, હોસ્પિટલના સ્ટાફ, કર્મચારીઓ, દર્દીઓના પરિવારજનો તેમજ તેમના પરિવારના સભ્યો ઉત્સાહભેર જોડાયા હતા અને જીવન બચાવવાના આ મહાન કાર્યમાં પોતાનું યોગદાન આપ્યું હતું.
આ કાર્યક્રમ માત્ર 10 વર્ષની સફળ યાત્રાની ઉજવણી નહોતો, પરંતુ સમાજ પ્રત્યે આભાર વ્યક્ત કરવાની એક ભાવનાત્મક પહેલ હતી. રક્તદાન જેવા પુણ્ય કાર્ય દ્વારા HCG વડોદરાએ ફરી એકવાર માનવતા અને સેવા ભાવનાનો સંદેશ આપ્યો.
આ પ્રસંગે સંચાલકો દ્વારા જણાવવામાં આવ્યું કે HCG વડોદરાની આ દસ વર્ષની યાત્રા માત્ર સારવાર સુધી સીમિત નથી, પરંતુ સમાજને સતત પાછું આપવાની પ્રતિબદ્ધતા પણ છે. રક્તદાન કેમ્પ એ એકતા, કરુણા અને આશાનો જીવંત ઉદાહરણ બની રહ્યો.
ગત દસ વર્ષોમાં HCG વડોદરાએ કેન્સર સારવાર ક્ષેત્રે પોતાની મજબૂત ઓળખ બનાવી છે, જેમાં નિષ્ણાત ડોક્ટરો અને આરોગ્યકર્મીઓની વિશાળ ટીમ સતત દર્દીઓને શ્રેષ્ઠ સેવા આપી રહી છે.
આ સફળ રક્તદાન કેમ્પ સાથે કાર્યક્રમનું સમાપન થયું, જેમાં તમામ સહભાગીઓમાં ગૌરવ અને સંતોષની લાગણી જોવા મળી અને આગામી દાયકાની યાત્રા માટે નવી પ્રેરણા મળી.
